انا عملت انهارده كيك الباباز طعمه روعه و خفيف على المعده تحفه بجد

قلت لازم اوريكم بس معلش بقى مافكرتش قبل ما اعمله انى انزله فامصورتش غير بعد
اما خلص

ماصورتش الخطوات بس هقولها بالتفصيل ان شاء الله

كوب ونص دقيق

كوب الا ربع سمنه وزيت (نص سمنه و ربع زيت)

2 كيس فانيليا

معلقه صغيره خميره

نص كوبايه لبن دافئ

4 او 5 بيضات

معلقه سكر

ذره ملح

اولا :- نحضر الخميره

هنجيب نص كوب اللبن الدافى ندوب فيه معلقه السكر و نضيف معلقه الخميره ونسيبهم لحد
اما تخمر وتفور كده ودى علامه انها خميره حلوه لو مافارتش يبقى خميره مش حلوه
ومش هتخمر حاجه

ثانيا:- نسيح كوبايه الا ربع السمنه على الزيت بس مش نغليها يعنى يدوب تسيح بس

ثالثا نجيب بقى الاربع بيضات ونضربهم كويس اوى مع كيس فانيليا واحد سواء بقى بمضرب
كهربائى لو عندك ماعندكيش يبقى يدوى مفيش خالص ايدك واشتغلى بسرعه جدا شويه حلويين (ياعينى
على زراعكم يا قمرات )

كده حضرنا كل حاجه على حدا

رابعا:-نجيب البيض وننزل عليه بالخميره بالبيض ونقلب وبعدين ننزل بالسمنه والزيت ونقلب وبعدين الدقيق واحده
واحده لحد اما يخلص ونضرب كويس اوى لحد اما تبقى ناعمه خالص مفيش ولا كلكوع

ونسيب الكيك تخمر يا بنات نحطها فى الصينيه لو طلعت النص نسيبها تخمر لحد اما
تبقى 3/4 الصينيه يعنى تخمر اد نصها مش مرتين ولا حاجه

وبعدين بشويش من غير هز علشان ماتهبطش على فرن متوسط

واول ما ماتستوى نطلعها من الفرن ونقلبها على مصفه ونجيب خله ونخرمها بشويش كده خروم
كتير بس براحه علشان مانبوظش منظرها وبعدين نسيبها تبرد

خامسا:-

على اما تبرد نجهز احنا الشربات يا شرباتات انتو

(2 كوب ماء + كوب ونص سكر + عصير نصف ليمونه + كيس الفانيليا التانى
) ايوه الشربات بيبقى خفيف جدا كده بلاش كرم زايد فى الكيكه دى كوبايه ونص
سكر بس على 2 مياه

لما تكون بردت خااااااااااااااااااااااااالص ننزل عليها بالشربات السخن اللى نازل حالا من على النار نوزعه
كويس مش عاوزه حطه مافيهاش شربات وسيبوها تصفى الزوايد من المصفاه ولما تحسو صفت كويس
انقلوها لطبق التقديم

التزين:-

براحتكم بقى ممكن صوص الشاتو

كريمه

اى شيئ

انا عملت (نص كوبايه سكر بودره عليها ربع كوبايه ميا محطوط عليها معلقه صغيره سمنه
سايحه متقلبه كويس ونزلت بيها على الكيك)