المقادير

:
2 كوب دقيق

1 كوب سكر

5 بيضات

ملعقه كبيره بكنج بودر

نصف كوب سمن او زيت او زبده وتكون 5 معالق او قالب وسط -وفى درجه
حراره الغرفه ( حسب الرغبه )وانا افضل الزبده كتير اطعم واخف وكمان بمساعده البيض المضروب
كويس والبيكنج بودر الطازج مش يكون مركون او قديم بيبقى خامل –بتكون هاشه الكيكه وناعمه

نصف ملعقه صغيره فانيليا

ماء او لبن او عصير برتقال (مستحسن) للعجن وانا بعمل لبن بودر نيدو مع البرتقال
بتطلع النتيجه هايله عارفه الكيك المصنع بتاع المصانع بيحطوله لبن جاف ومحسنات طعم بيكون زيه
كده

بشر برتقاله

الطريقه:
يخلط السكر والسمن والبيض ثم يضاف الدقيق و بكنج البودر والعصير والبشر ويرب جيدا في
اتجاه دائري
حتي يمتزج الخليط جيدا مع مراعاه عدم خفق الخليط كثيرا حتي لا يخرج منه الهواء

يصب الخليط في صينيه مدهونه بالسمن ومرشوشه بالدقيق
ثم توضع مباشره في فرن ساخن
وتخبز عند درجه حراره متوسطه 180 درجه تقريبا
وتترك حوالي 40 دقيقه
بعد ذلك تخرجيها من الفرن مباشره وتقلب علي منخل سلك وتترك حتي نبرد

عشان تيست ان الكيكه استوت بطرف سكين وشوفى لو خرج عليها عجين يبقى لسه لو
نضيفه استوت يا قمر

كمان فرضنا لو ان الوش احمر والكيكه لسه مش استوت وده عشان عده عوامل منها
الفرن مش تمام او السكر كتر منك شويه او السمن او هى كانت سائله اكتر
مش زى منقار الديك وده مسمى لما تخلطى العجين وتطلعى المعلقه من العجين لازم مش
تكون سائله او جامده بتعمل شكل بيسموه منقار

ولو فرض وحصل انها احمرت ومش استوت تجيبى ورق سيفر وتغطى الكيك هتستوى وهتحميها انها
تتحرق

ولو فرضنا انها اتحرقت منك من الحواف او الوش ليها برضه حل مش هنغلب احنا
الستات تتفات لينا بلاد

تشيلى الحواف بسكين على خفيف مش تحفى اوى وتكون بارده الكيكه وترشى بمنخل سكر بودر
وعليه زره فانيليا وممكن كاكاو بودر برضه او تسيحى شوكولا عندك مثلا فى حمام مائى
وعلى الوش وادهنى ولا يهمك ورشه جوز هند ولا حد هياخد باله
والف هنا يا قمر واى حاجه المطبخ موجود بس ياريت تشوفى الملاحظات والفيديو هيساعد معاكى
وهتبقى شطوره خالص خالص