كيك عراقي لذيذ , طريقة عمل حلويات عراقية 2023

 



 

انا عملت انهاردة كيك الباباز طعمة حلوة و خفيف علي المعدة تحفة بجد

قلت لازم اوريكم بس معلش بقي ما فكرتش قبل ما اعملة انني انزلة فامصورتش غير بعد اما خلص

ماصورتش الخطوات بس هقولها بالتفصيل ان شاء الله

 

بسم الله نبداالمقادير:-

كوب و نصف دقيق

كوب الا ربع سمنة و زيت (نص سمنة و ربع زيت)

2 كيس فانيليا

معلقة صغار خميره

نص كوباية لبن دافئ

4 او 5 بيضات

معلقة سكر

ذرة ملح

 

اولا :- نحضر الخميره

هنجيب نصف كاس اللبن الدافي ندوب فية ملعقة السكر و نضيف ملعقة الخميرة و نسيبهم لحد اما تخمر و تفور كدة و دي علامة انها خميرة روعة لو ما فارتش يبقي خميرة مش روعة و مش هتخمر حاجه

ثانيا:- نسيح كوباية الا ربع السمنة علي الزيت بس مش نغليها يعني يدوب تسيح بس

ثالثا نجيب بقي الاربع بيضات و نضربهم كويس اوي مع كيس فانيليا و احد سواء بقي بمضرب كهربائي لو عندك ما عندكيش يبقي يدوي مفيش خالص ايدك و اشتغلي بسرعة جدا جدا شوية حلويين (ياعيني علي زراعكم يا قمرات )

كدة حضرنا جميع حاجة علي حدا

رابعا:-نجيب البيض و ننزل علية بالخميرة بالبيض و نقلب و ثم ننزل بالسمنة و الزيت و نقلب و ثم الدقيق و احدة و احدة لحد اما يخلص و نضرب كويس اوي لحد اما تبقي ناعمة خالص مفيش و لا كلكوع

ونسيب الكيك تخمر يا فتيات نحطها فالصينية لو طلعت النص نسيبها تخمر لحد اما تبقي 3/4 الصينية يعني تخمر اد نصها مش مرتين و لا حاجه

و ثم بشويش من غير هز علشان ما تهبطش علي فرن متوسط

واول ما ما تستوي نطلعها من الفرن و نقلبها علي مصفة و نجيب خلة و نخرمها بشويش كدة خروم كتير بس براحة علشان ما نبوظش منظرها و ثم نسيبها تبرد

خامسا:-

علي اما تبرد نجهز احنا الشربات يا شرباتات انتو

(2 كاس ماء + كاس و نصف سكر + عصير نص ليمونة + كيس الفانيليا التاني ) ايوة الشربات بيبقي خفيف جدا جدا كدة بلاش كرم زايد فالكيكة دي كوباية و نصف سكر بس علي 2 مياه

لما تكون بردت خااااااااااااااااالص ننزل عليها بالشربات السخن اللي نازل حالا من علي النار نوزعة كويس مش عاوزة حطة ما فيهاش شربات و سيبوها تصفي الزوايد من المصفاة و لما تحسو صفت كويس انقلوها لطبق التقديم

التزين:-

براحتكم بقي يمكن صوص الشاتو

كريمه

اي شيئ

انا عملت (نص كوباية سكر بودرة عليها ربع كوباية ميا محطوط عليها ملعقة صغار سمنة سايحة متقلبة كويس و نزلت بيها علي الكيك)

 

  • حلويات 2017
  • كيك عراقيه
  • حلويات عراقية
  • صور كيك العراق
  • صور كيك عراقي
  • طريقة حلويات عراقية


كيك عراقي لذيذ , طريقة عمل حلويات عراقية 2023