يوم الثلاثاء 6:24 مساءً 23 يوليو 2019


كيك عراقي لذيذ , طريقة عمل حلويات عراقية 2019

 

صور كيك عراقي لذيذ , طريقة عمل حلويات عراقية 2019

 

انا عملت انهاردة كيك الباباز طعمة روعة و خفيف على المعدة تحفة بجد

قلت لازم اوريكم بس معلش بقي ما فكرتش قبل ما اعملة اني انزلة فامصورتش غير بعد اما خلص

ماصورتش الخطوات بس هقولها بالتفصيل ان شاء الله

 

بسم الله نبداالمقادير:-

كوب و نص دقيق

كوب الا ربع سمنة و زيت نص سمنة و ربع زيت)

2 كيس فانيليا

معلقة صغيرة خميره

نص كوباية لبن دافئ

4 او 5 بيضات

معلقة سكر

ذرة ملح

 

اولا نحضر الخميره

هنجيب نص كوب اللبن الدافي ندوب فيه معلقة السكر و نضيف معلقة الخميرة و نسيبهم لحد اما تخمر و تفور كدة و دي علامة انها خميرة حلوة لو ما فارتش يبقي خميرة مش حلوة و مش هتخمر حاجه

ثانيا: نسيح كوباية الا ربع السمنة على الزيت بس مش نغليها يعني يدوب تسيح بس

ثالثا نجيب بقي الاربع بيضات و نضربهم كويس اوي مع كيس فانيليا واحد سواء بقي بمضرب كهربائي لو عندك ما عندكيش يبقي يدوي مفيش خالص ايدك و اشتغلي بسرعة جدا شوية حلويين ياعيني على زراعكم يا قمرات

كدة حضرنا كل حاجة على حدا

رابعا:-نجيب البيض و ننزل عليه بالخميرة بالبيض و نقلب و بعدين ننزل بالسمنة و الزيت و نقلب و بعدين الدقيق واحدة واحدة لحد اما يخلص و نضرب كويس اوي لحد اما تبقي ناعمة خالص مفيش و لا كلكوع

ونسيب الكيك تخمر يا بنات نحطها في الصينية لو طلعت النص نسيبها تخمر لحد اما تبقي 3/4 الصينية يعني تخمر اد نصها مش مرتين و لا حاجه

وبعدين بشويش من غير هز علشان ما تهبطش على فرن متوسط

واول ما ما تستوي نطلعها من الفرن و نقلبها على مصفة و نجيب خلة و نخرمها بشويش كدة خروم كتير بس براحة علشان ما نبوظش منظرها و بعدين نسيبها تبرد

خامسا:-

على اما تبرد نجهز احنا الشربات يا شرباتات انتو

(2 كوب ماء كوب و نص سكر عصير نصف ليمونة كيس الفانيليا التاني ايوة الشربات بيبقي خفيف جدا كدة بلاش كرم زايد في الكيكة دي كوباية و نص سكر بس على 2 مياه

لما تكون بردت خااااااااااااااااالص ننزل عليها بالشربات السخن اللي نازل حالا من على النار نوزعة كويس مش عاوزة حطة ما فيهاش شربات و سيبوها تصفي الزوايد من المصفاة و لما تحسو صفت كويس انقلوها لطبق التقديم

التزين:-

براحتكم بقي ممكن صوص الشاتو

كريمه

اي شيئ

انا عملت نص كوباية سكر بودرة عليها ربع كوباية ميا محطوط عليها معلقة صغيرة سمنة سايحة متقلبة كويس و نزلت بيها على الكيك)

 

  • حلويات 2017
  • كيك عراقيه
  • حلويات عراقية
  • صور كيك العراق

823 views

كيك عراقي لذيذ , طريقة عمل حلويات عراقية 2019