9:11 صباحًا الجمعة 21 سبتمبر، 2018

كيك اسفنجي سهل , طريقة عمل كيكة لذيذة 2019


صوره كيك اسفنجي سهل , طريقة عمل كيكة لذيذة 2019

المقادير

:
2 كوب دقيق

1 كوب سكر

5 بيضات

ملعقة كبيرة بكنج بودر

نصف كوب سمن او زيت او زبدة وتكون 5 معالق او قالب وسط وفى درجه حراره الغرفه حسب الرغبه وانا افضل الزبدة كتير اطعم واخف وكمان بمساعدة البيض المضروب كويس والبيكنج بودر الطازج مش يكون مركون او قديم بيبقى خامل –بتكون هاشه الكيكه وناعمه

نصف ملعقة صغيرة فانيليا

ماء او لبن او عصير برتقال مستحسن للعجن وانا بعمل لبن بودر نيدو مع البرتقال بتطلع النتيجة هايله عارفه الكيك المصنع بتاع المصانع بيحطوله لبن جاف ومحسنات طعم بيكون زيه كده

بشر برتقاله

الطريقه:
يخلط السكر والسمن والبيض ثم يضاف الدقيق و بكنج البودر والعصير والبشر ويرب جيدا في اتجاه دائري
حتي يمتزج الخليط جيدا مع مراعاه عدم خفق الخليط كثيرا حتى لا يخرج منه الهواء
يصب الخليط في صينية مدهونه بالسمن ومرشوشه بالدقيق
ثم توضع مباشره في فرن ساخن
وتخبز عند درجه حراره متوسطة 180 درجه تقريبا
وتترك حوالي 40 دقيقه
بعد ذلك تخرجيها من الفرن مباشره وتقلب علي منخل سلك وتترك حتى نبرد

عشان تيست ان الكيكه استوت بطرف سكين وشوفى لو خرج عليها عجين يبقى لسه لو نضيفه استوت يا قمر

كمان فرضنا لو ان الوش احمر والكيكه لسه مش استوت وده عشان عده عوامل منها الفرن مش تمام او السكر كتر منك شويه او السمن او هى كانت سائله اكتر مش زى منقار الديك وده مسمى لما تخلطى العجين وتطلعى المعلقه من العجين لازم مش تكون سائله او جامدة بتعمل شكل بيسموه منقار

ولو فرض وحصل انها احمرت ومش استوت تجيبى ورق سيفر وتغطى الكيك هتستوى وهتحميها انها تتحرق

ولو فرضنا انها اتحرقت منك من الحواف او الوش ليها برضه حل مش هنغلب احنا الستات تتفات لينا بلاد

تشيلى الحواف بسكين على خفيف مش تحفى اوى وتكون باردة الكيكه وترشى بمنخل سكر بودر وعليه زره فانيليا وممكن كاكاو بودر برضه او تسيحى شوكولا عندك مثلا في حمام مائى وعلى الوش وادهنى ولا يهمك ورشه جوز هند ولا حد هياخد باله
والف هنا يا قمر واي حاجة المطبخ موجود بس ياريت تشوفى الملاحظات والفيديو هيساعد معاكى وهتبقى شطوره خالص خالص

  • طريقة عمل الكيك العراقي بالكاكاو
  • اكلات لذيذة2018
  • كيف اعمل كيك اسفنجي
  • كيكه بالكاكاو هاشه
  • موسكوتشو بالكاكاو
763 views

كيك اسفنجي سهل , طريقة عمل كيكة لذيذة 2019